ریلی کی منسوخی کے بعد تیجسوی یادو نے سخت ردعمل دیا۔ انہوں نے کہا، ’’یہ تاناشاہی ہے اور ہم اس کے خلاف لڑائی جاری رکھیں گے۔‘‘ ان کے مطابق، یہ عوامی آواز کو دبانے کی کوشش ہے۔ تیجسوی یادو کی یہ ریلی کھگڑیا کے پارلیمانی اور اسمبلی حلقے میں انتخابی مہم کا ایک اہم حصہ تھی۔
آر جے ڈی کے کارکنوں اور حامیوں میں اگرچہ مایوسی ضرور دیکھی جا رہی ہے لیکن پارٹی کا کہنا ہے کہ وہ اپنے انتخابی پروگرام پر قائم رہے گی۔ پارٹی کے ذرائع نے بتایا کہ اب وہ چھوٹے پیمانے پر عوامی اجتماعات اور سوشل میڈیا کے ذریعے ووٹروں سے براہِ راست رابطہ بڑھائے گی۔
