ادھر ووٹنگ مراکز پر پولنگ کا عمل پرامن طریقے سے جاری ہے۔ ساؤتھ کیمپس کے رام لال کالج سمیت کئی مقامات پر پولیس کی بھاری نفری تعینات کی گئی ہے۔ تقریباً 600 سے زیادہ اہلکاروں کو مختلف کالجوں میں تعینات کیا گیا تاکہ انتخابی عمل پرامن اور شفاف ماحول میں مکمل ہو سکے۔
اس بار ڈوسو کے چار اہم عہدوں- صدر، نائب صدر، سکریٹری اور جوائنٹ سکریٹری کے لیے کُل 21 امیدوار میدان میں ہیں۔ انتخابی مہم کے دوران اسٹوڈنٹس ویلفیئر، کیمپس انفراسٹرکچر اور تعلیمی اصلاحات جیسے مسائل امیدواروں کے منشور اور تقاریر میں نمایاں رہے۔
