یہ اندوہناک واقعہ پورنیہ کے مضافاتی تھانہ علاقے کے ٹیٹگاما گاؤں میں پیش آیا، جہاں مقامی لوگوں نے ایک ہی خاندان کے پانچ افراد کو ‘ڈائن’ اور جادو ٹونا کے ذریعے نقصان پہنچانے والے قرار دے کر پہلے بے رحمی سے پیٹا اور پھر ان کے جسم پر تیل ڈال کر آگ لگا دی۔ پولیس کے مطابق تمام لاشیں جھاڑیوں سے برآمد کی گئی ہیں اور دو ملزمان کو گرفتار کر لیا گیا ہے۔ دیگر افراد کی تلاش جاری ہے۔
آر جے ڈی لیڈر اور سابق نائب وزیر اعلیٰ تیجسوی یادو نے اس واقعہ پر شدید ردعمل ظاہر کرتے ہوئے ریاست کی نتیش حکومت کو سخت تنقید کا نشانہ بنایا۔ انہوں نے الزام لگایا کہ ’ڈی کے ٹیکس‘ کے نام پر ریاست میں انارکی اپنی انتہا کو پہنچ چکی ہے۔ ڈی جی پی اور چیف سکریٹری بے بس ہیں، جبکہ وزیر اعلیٰ خود غافل ہیں۔
