شمال مشرقی ہندوستان کی ریاستوں میں مسلسل بارشوں کے باعث جمعہ کو تین افراد ہلاک ہو گئے جبکہ مختلف علاقوں میں لینڈ سلائیڈنگ، پانی بھراؤ اور معمولات زندگی درہم برہم ہو گئے۔ محکمہ موسمیات کے مطابق خلیج بنگال میں دباؤ کی صورتحال کے سبب آنے والے دنوں میں مزید شدید بارش کا امکان ہے۔
میزورم کی راجدھانی آئیزول کے علاقے تھوانپوی میں ایک دیوار گرنے سے 36 سالہ للننماویا ہلاک اور 35 سالہ لالفک زوالا زخمی ہو گئے۔ میزورم ڈیزاسٹر مینجمنٹ اتھارٹی کے مطابق واقعہ گزشتہ 24 گھنٹوں کی شدید بارش کے نتیجے میں پیش آیا۔ آئیزول میں مسلسل دوسرے روز بھی اسکول بند رکھے گئے جبکہ متعدد علاقوں میں مٹی کے تودے گرنے کی اطلاعات ہیں۔
