امریکی بازار میں زبردست گراوٹ کے بعد ایشیائی منڈیوں پر بھی منفی اثر، سرمایہ کاروں میں بے چینی

ڈاؤ جونز انڈسٹریل ایوریج 1014 پوائنٹس یا 2.5 فیصد کی گراوٹ کے ساتھ بند ہوا، جبکہ ایس اینڈ پی 500 میں 3.46 فیصد اور نیسڈیک کمپوزٹ میں 4.31 فیصد کی کمی ریکارڈ کی گئی۔ دورانِ کاروبار ڈاؤ جونز میں 2100 پوائنٹس تک کی گراوٹ بھی دیکھی گئی، البتہ دن کے آخر میں قدرے بہتری نظر آئی۔

سب سے زیادہ منفی اثر ٹیکنالوجی سیکٹر پر پڑا۔ ایپل کے شیئرز میں 2 فیصد، ٹیسلا میں 5 فیصد سے زیادہ، اینویڈیا میں 3.6 فیصد اور میٹا میں 3.8 فیصد کی کمی دیکھنے کو ملی۔ بڑی کمپنیوں کے شیئرز میں گراوٹ کی وجہ سے نیسڈیک انڈیکس پر نمایاں اثر پڑا۔