گجرات: لڑکے نے تیز رفتار کار سے کئی لوگوں کو کچل ڈالا

گجرات کے شہر وڈودرا میں ایک افسوسناک حادثہ اس وقت پیش آیا جب 20 سالہ نوجوان نے اپنی کار چار افراد پر چڑھادی۔ اس حادثے میں کل تین لوگوں کی موت ہو گئی ہے۔ یہ واقعہ جمعرات کی رات تقریباً 12.30 بجے کریلی باغ علاقے میں پیش آیا۔ پاوا گڑھ سے واپس آتے ہوئے سورت کے ایک خاندان کی کار ہائی وے سے پھسل کر درخت سے ٹکرا گئی، جس سے تین افراد کی موقع پر ہی موت ہو گئی جبکہ پانچ دیگر شدید زخمی ہو گئے۔ زخمیوں کو علاج کے لیے اسپتال لے جایا گیا۔

حادثے کی اطلاع ملتے ہی فائر بریگیڈ اور پولیس نے موقع پر پہنچ کر مزید کارروائی شروع کردی۔ فائر بریگیڈ کے عملے نے فائر کٹر سے گاڑی کا ایک حصہ کاٹ کر لاشوں کو باہر نکالا۔

سورت کے ڈنڈولی سے یہ خاندان پاوا گڑھ  گھومنے  کے لئے آیا تھا  اور یہ حادثہ واپسی کے وقت ہوا۔ کل آٹھ لوگوں میں سے پانچ کو علاج کے لیے وڈودرا کے سایاجی اسپتال میں داخل کرایا گیا ہے، جہاں ان کا علاج کیا جا رہا ہے۔ ان میں سے کچھ زخمی مریضوں کو فی الحال شہر کے مکر پورہ اسپتال منتقل کیا گیا ہے۔مرنے والوں میں 24 سالہ ونے پٹیل، دیپیکا بین پٹیل اور ہتیش پٹیل شامل ہیں۔ جبکہ چراغ پٹیل، دھرو پٹیل، ونے پٹیل، جگدیش پٹیل اور نیرج بین پٹیل زخمی ہوئے ہیں۔

ڈرائیور کی شناخت رکشت چورسیا کے طور پر کی گئی ہے جو اتر پردیش کے وارانسی کا رہنے والا ہے اور وڈودرا کی ایک یونیورسٹی میں قانون کی تعلیم حاصل کر رہا ہے۔ اسے گرفتار کر لیا گیا ہے۔ اس معاملے میں دوسرا ملزم جو کار کا مالک ہے اور حادثے کے وقت چورسیا کے ساتھ تھا، کو بھی گرفتار کر لیا گیا ہے۔(انپٹ بشکریہ نیوز پورٹل ’آج تک‘)