دھماکے کے فوری بعد ریسکیو اہلکاروں نے زخمیوں کو قریبی وانا سول اسپتال منتقل کیا، جہاں مولانا عبداللہ ندیم کی حالت تشویشناک بتائی جا رہی ہے۔ اسپتال انتظامیہ کے مطابق، زخمیوں کو طبی امداد دی جا رہی ہے اور ڈاکٹروں کی ایک خصوصی ٹیم ان کا علاج کر رہی ہے۔
پولیس اور سکیورٹی فورسز نے دھماکے کے فوراً بعد علاقے کو گھیرے میں لے کر تحقیقات کا آغاز کر دیا۔ پولیس کے مطابق، ابتدائی شواہد سے ظاہر ہوتا ہے کہ بم کو خاص طور پر جمعہ کی نماز کے دوران نشانہ بنانے کے لیے نصب کیا گیا تھا، جب بڑی تعداد میں نمازی موجود ہوتے ہیں۔
