[]
نئی دہلی: نیشنل انوسٹیگیشن ایجنسی(این آئی اے) نے چہارشنبہ کے دن اسلامک اسٹیٹ تھریسور ماڈیول کے مفرور قائد کو چینائی سے گرفتار کرلیا۔
اس طرح ملک سے فرار ہونے کا اس کا منصوبہ ناکام ہوگیا۔ تھریسور ماڈیول کے امیر سید نبیل احمد کو این آئی اے کی ٹریکنگ ٹیم نے پکڑلیا جو گزشتہ چند ہفتوں سے اس پر نظررکھے ہوئی تھی۔
ملزم گزشتہ چند ہفتوں سے کرناٹک اور ٹاملناڈو میں مختلف مقامات پر چھپتا پھررہا تھا۔
وہ نیپال کے راستہ ملک سے فرار ہونے کا منصوبہ رکھتا تھا۔ اس کے قبضہ سے قابل ِ اعتراض کاغذات اور ڈیجیٹل آلات ضبط ہوئے۔ جولائی سے گرفتار ہونے والا وہ تیسرا ملزم ہے۔
