مہر نیوز ایجنسی کی رپورٹ کے مطابق، ایران میں ازبکستان کے سفیر فرید الدین نصریوف نے تہران میں ایرانی صدر کے معاون برائے علاقائی امور علی نجفی خوشرودی سے ملاقات کی۔
فریقین نے دونوں ممالک کے ثقافتی اور تاریخی مشترکات پر زور دیتے ہوئے تمام شعبوں میں دو طرفہ تعاون بڑھانے پر اتفاق کیا۔
دونوں اعلی عہدیداروں نے ایران اور ازبکستان کے درمیان تجارتی تبادلوں کے حجم میں اضافے اور اقتصادی تعلقات کو آسان بنانے پر بھی زور دیا۔
اس ملاقات میں ایران ازبکستان مشترکہ اقتصادی تعاون کمیشن کے اجلاس کے انعقاد کے حوالے سے مشاورت کی گئی۔
