ممبئی: مغل حکمراں اورنگ زیب کی تعریف میں تبصرے اور اس دور میں مندروں پر تبصرہ کرکے ہندوؤں کے مذہبی جذبات کو ٹھیس پہنچانے کے مبینہ بیانات کو لیکر مہاراشٹرا اسمبلی سے بجٹ سیشن کے دوران معطل کئے گِئے ۔
سماج وادی پارٹی (ایس پی) کے ایم ایل اے ابو عاصم اعظمی نے دعویٰ کیا ہیکہ ان کی اور انکے اہل خانہ کی جان کو خطرہ لاحق ہے نیز اس معاملے میں کئے گئے انکے تبصرے کو توڑ مروڑ کر پیش کیا گیا ۔
معطلی کو ’’حکومت کا من مانہ فیصلہ ‘‘ قرار دیتے ہوئے اعظمی نے سوشل میڈیا پلیٹ فارم ایکس پر اپنی تشویش کا اظہار کرتے ہوئے کہا،’’ میری معطلی حکومت کی طرف سے من مانی ہے، میری اور میرے خاندان کی جان کو خطرہ ہے۔
مہاراشٹر میں دو قانون نافذ ہیں، اگر مہاراشٹر میں جمہوریت ختم ہو گئی ہے تو حکومت عوام اور عوام کے منتخب نمائندوں کے خلاف کچھ بھی کر سکتی ہے۔‘‘
ممبئی میں اعظمی کے دفتر کے عملے نے کہا کہ جان کو خطرہ لاحق ہونے کے اندیشے کے تعلق سے پولیس کو اطلاع دی گئی ہے ۔
ہمیں فالو کریں
