نوہیرا شیخ ہیرا گولڈ ایکسم پرائیویٹ لمیٹڈ کی منیجنگ ڈائریکٹر ہیں۔ ان پر 5600 کروڑ روپے کے بڑے گولڈ گھوٹالے کا الزام ہے۔ کئی ریاستوں میں ان پر ایف آئی آر بھی درج ہیں۔
سپریم کورٹ آف انڈیا /آئی اے این ایس
سپریم کورٹ نے سونا گھوٹالے کی ملزم نوہیرا شیخ کے معاملے پر سماعت کرتے ہوئے سخت فیصلہ سنایا۔ عدالت نے ای ڈی کو حکم دیا ہے کہ اگر 90 دنوں کے اندر سرمایہ کاروں سے اکٹھا کی گئی رقم کا ایک حصہ یعنی 25 کروڑ روپے واپس نہیں کرتی ہیں تو نوہیرا کو حراست میں لے لیا جائے۔
نوہیرا شیخ ہیرا گولڈ ایکسم پرائیویٹ لمیٹڈ کی منیجنگ ڈائریکٹر ہیں۔ ان پر 5600 کروڑ روپے کے بڑے گولڈ گھوٹالے کا الزام ہے۔ نوہیرا کے پر سرمایہ کاروں کو دھوکہ دینے کا الزام ہے۔ ان کے خلاف کئی ریاستوں میں ایف آئی آر بھی درج ہوئے ہیں۔
معاملے کی سماعت کرتے ہوئے جسٹس جے بی پاردیوالا کی صدارت والی بنچ نے کہا کہ نوہیرا شیخ 11 نومبر 2024 سے عدالت کے حکم کی خلاف ورزی کر رہی ہیں، جب انہیں 25 کروڑ روپے جمع کرنے پر خودسپردگی کی طے حد بڑھا دی گئی تھی۔ عدالت نے کہا، “ہم ملزمہ کو آخری موقع دیتے ہیں کہ وہ تین مہینوں کے اندر 25 کروڑ روپے جمع کریں، ورنہ ان کی ضمانت منسوخ کر دی جائے گی اور ای ڈی انہیں جیل بھیج دے گا۔”
نوہیرا شیخ کے وکیل کپل سبل نے سماعت کے دوران دلیل دی کہ ان کے موکل کے پاس پیسے نہیں ہیں۔ حالانکہ ای ڈی دی نے بتایا کہ نوہیرا شیخ کی کئی جائیدادیں اٹیچ کی گئی ہیں۔ لیکن ان کے وکیل نے جائیدادوں کی فہرست دستیاب نہیں کرائی جنہیں نیلام کیا جا سکتا ہے۔ نوہیرا شیخ نے صرف تین جائیدادوں کی تفصیل اشتراک کی جن میں دو تلنگانہ میں ہیں اور ای ڈی کے ذریعہ نیلام کی جاسکتی ہے۔
