سری نگر: وادی کشمیر میں وسیع پیمانے پر برف باری کے باعث اسلامک یونیورسٹی آف سائنس اینڈ ٹیکنالوجی کشمیر اور اسلامیہ کالج آف سائنس اینڈ کامرس نے آج یعنی جمعہ کو ہونے والے امتحانات ملتوی کر دئے ہیں۔
تاہم کشمیر یونیورسٹی اور جموں وکشمیر بورڈ آف سکول ایجوکیشن کی طرف سے آج کے امتحانات حسب شیڈول لئے جائیں گے۔
اسلامک یونیورسٹی آف سائنس اینڈ ٹیکنالوجی کے کنٹرولر امتحانات کی طرف سے جاری ایک نوٹیفکیشن میں کہا گیا: ‘تمام متعلقین کو اطلاع دی جاتی ہے کہ 28 فروری 2025 کو ہونے والے فرسٹ سمسٹر کے امتحانات کو ملتوی کیا جاتا ہے’۔
نوٹفیکیشن میں کہا گیا کہ امتحانات کے لئے نئی تاریخوں کا اعلان بعد میں کیا جائے گا۔اسلامیہ کالج آف سائنس اینڈ کامرس کی طرف سے جاری نوٹیفکیشن میں کہا گیا: ‘آج یعنی 28 فروری 2025 کو ہونے والے امتحانات ملتوی کئے جاتے ہیں’۔
ادھر کشمیر یونیورسٹی اور بورڈ حکام نے 28 فروری کے امتحانات کو حسب شیڈول لینے کا فیصلہ لیا ہے۔
ہمیں فالو کریں
