مہر خبررساں ایجنسی کے مطابق، سوئٹزرلینڈ میں اقوام متحدہ کے دفتر میں ایرانی سفیر نے کہا ہے کہ اسلامی جمہوریہ ایران کثیرالجہتی اور ایسے عالمی نظام کی حمایت کرتا ہے جو انصاف، احترام اور امن پر مبنی ہو۔
جنیوا میں ایران کے مستقل مندوب اور سفیر علی بحرینی نے “گروپ آف فرینڈز ان ڈیفنس آف دی چارٹر آف دی یونائیٹڈ نیشنز” کے ایک اعلیٰ سطحی اجلاس میں خطاب کرتے ہوئے کہا کہ اسلامی جمہوریہ ایران الاقوامی قانون اور اقوام متحدہ کے چارٹر میں درج اصولوں کی پاسداری کے لیے پرعزم ہے۔
اجلاس کی مناسبت سے بحرینی نے اپنے ایکس اکاؤنٹ پر لکھا ہے کہ ضرورت اس امر کی ہے کہ ایک ایسے عالمی نظام کو فروغ دیا جائے جہاں دباؤ اور انتشار کے بجائے انصاف، احترام اور امن کو فوقیت حاصل ہو۔
ایک رکن کے طور پر ایران ہمیشہ یکطرفہ اقدامات کی مخالفت اور بعض عالمی طاقتوں کی جانب سے کثیرالجہتی اداروں کو کمزور کرنے کے خلاف آواز بلند کرتا رہا ہے۔
