حیدرآباد کے تاریخی مقامات گولکنڈہ اور چارمینار نے سیاحتی میدان میں منفرد پہچان حاصل کی
حیدرآباد ۔ حیدرآباد کی شان سمجھے جانے والے تاریخی مقامات گولکنڈہ قلعہ اور چامینار کو سیاحتی شعبہ میں نمایاں مقام حاصل ہوا ہے۔ یہ دونوں تاریخی ورثہ ہندوستان میں سب سے زیادہ دیکھے جانے والے سیاحتی مقامات کی فہرست میں شامل ہیں۔
محکمہ آثار قدیمہ (Archaeological Survey of India – ASI) نے سال 2023-24 کے دوران سب سے زیادہ ملکی سیاحوں کی جانب سے دیکھے گئے ٹاپ 10 سیاحتی مقامات کی فہرست پیر کے روز جاری کی۔ اس فہرست میں گولکنڈہ قلعہ چھٹے نمبر پر جبکہ چارمینار نویں نمبر پر رہا۔
سیاحتی فہرست میں آگرہ کا مشہور تاج محل پہلے نمبر پر ہے جہاں سال 2023-24 کے دوران 61 لاکھ ملکی سیاحوں نے دورہ کیا۔
