حافظ محمد لئیق خان نائب امیر امارات ملت اسلامیہ کی چیف منسٹر سے ملاقات موجودہ ملی مسائل پر میمورنڈم کیا حوالے
نظام آباد 24/ فروری (پریس نوٹ)
غلام رسول قاسمی جنرل سیکریٹری جمعیت علماء ضلع نظام آباد کی اطلاع کے مطابق آج جناب ریونت ریڈی چیف منسٹر تلنگانہ کی نظام آباد کے دورے کے موقع پر حافظ لئیق خان نائب امیر امارت ملت اسلامیہ تلنگانہ وآندھرا نے علماء کرام کے ایک وفد کے ہمراہ۔چیف منسٹر سے براہ راست ملاقات کرتے ہوئے ملی مسائل پر مشتمل ایک میمورنڈم حوالے کیا جس میں چیف منسٹر سے چند مطالبات کو جلد از جلد حل کرنے کی درخواست کی گئی۔چنددنوں قبل سنگاریڈی ضلع میں پیش آۓ مظلوم ومقتول لڑکی عالیہ بیگم کے افراد خاندان کو ایکس گریشیا دیا جاۓ ۔ویلپور منڈل میں ولیج ڈیولپمنٹ کمیٹی کی جانب سے وہاں کے مسلمانوں کے خلاف ہراسانی کوفوری بند کیا جائے اور آئمہ وموزنین کے اعزازیہ کو وعدے کے مطابق بڑھا کر دس ہزار کیا جائے اسی طرح جیلوں میں قید مسلمانوں کے لیے جیلوں کے اندر سحر وافطار کا انتظام کیا جائے۔ طلباء وطالبات میں اپنی پراثر تقریر سے بہترین تربیت کرنے والے مشہور شخصیت منور زماں پر لگائے گئے تمام جھوٹے الزامات ہٹا کر انہیں پھر سے اپنی خدمات پیش کر نےکا موقع فراہم کیا جائے۔چیف منسٹر تلنگانہ سے ملاقات کے موقع پر اس وفد میں مولانا غلام رسول قاسمی جنرل سیکریٹری جمعیت علماء مولانا عظمت اللہ سعید شریعہ بورڈحافظ اکبر دارالعلوم ابو بکر صدیق
مفتی ابراہیم خان صدرجمعیت علماء اور حافظ اشرف ودیگر موجود تھے
