[]
حیدرآباد: تلنگانہ کی حکمران جماعت بی آرایس کی رکن قانون ساز کونسل کے کویتا نے واضح کیا ہے کہ تلنگانہ میں بی جے پی کہیں نہیں ہے اور ان کے والد کے چندرشیکھرراو کا تیسری بار وزیراعلی بننا یقینی ہے۔
انہوں نے کل شب حیدرآباد میں اپنی رہائش گاہ پر جگتیال ضلع کے بی آرایس لیڈروں اور کارکنوں کے اجلاس سے خطاب کرتے ہوئے کہا کہ گزشتہ انتخابات میں جب جگتیال ضلع پر بی آر ایس کا جھنڈا لہرا رہا تھا تو انہیں بہت خوشی ہوئی تھی۔
انہوں نے اس مرتبہ بھی پارٹی کے رکن اسمبلی سنجے کمار کی کامیابی کو یقینی بنانے کارکنوں پر زوردیتے ہوئے کہاکہ سنجے نے کورورنا کے دوران خصوصی خدمات انجام دی تھیں جس کے لئے وہ مبارکباد ی کے مستحق ہیں۔انہوں نے اس یقین کا اظہار کیا کہ ایم ایل اے سنجے کمار یقینی طور پر ایک بار پھر شاندار اکثریت سے کامیابی حاصل کریں گے۔
