ریاض ۔ کے این واصف
متحدہ عرب امارات کی فلکیاتی کمیٹی کے بورڈ آف ڈائریکٹرز کے چیئرمین اور عرب فضا و فلکیاتی فیڈریشن کے رکن ابراہیم الجروان کا کہنا ہے کہ رواں سال رمضان المبارک 30 دن جبکہ روزے کا دورانیہ 13 گھنٹے کا ہوگا۔
روزنامہ “امارات الیوم” کے مطابق متحدہ عرب امارات میں مشرقی علاقوں میں سحری اور افطاری کے اوقات مغربی علاقوں کے مقابلے میں 20 منٹ کا فرق ہوگا۔الجروان نے مزید کہا کہ جمعہ 28 فروری کی شام رمضان المبارک کا چاند دیکھائی دینے کی قوی امید ہے۔ اس لحاظ سے یکم مارچ بروز ہفتہ پہلا روزہ ہوگا۔
فلکیاتی حساب سے عید الفطر کا چاند 29 مارچ کو امارات کے وقت کے مطابق رویت ہلال 14.58 پر ہوگی۔ جو غروب آفتاب کے پانچ منٹ ہی ڈوب جائے گا۔ جس کی وجہ سے ہلال کا مشاہدہ کرنا ممکن نہیں ہوگا۔ اس طرح ماہ مبارک میں 30 روزے ہونگے اور عید الفطر 31 مارچ پیر کے روز ہوگی۔
