مہر خبررساں ایجنسی کے مطابق، حماس کے رہنما طاہر النونو نے کہا ہے کہ حماس کو اسرائیل کے ساتھ جنگ بندی کے مذاکرات کا دوسرا مرحلہ جلد شروع ہونے کی توقع ہے۔
انہوں نے مزید کہا کہ حماس نے جنگ بندی کے معاہدے پر پابندی کے ساتھ عملدرآمد کیا ہے۔ ہمیں ثالث ممالک نے وعدہ کیا ہے کہ غزہ کی پٹی میں خیموں، کنٹینرز اور بھاری سامان کی ترسیل میں اضافہ ہوگا۔
یاد رہے کہ حماس اور صہیونی حکومت کے درمیان جنگ بندی اور قیدیوں کے تبادلے کا چھٹا مرحلہ آج انجام پائے گا جس میں تین صہیونی یرغمالیوں کے بدلے مزید سینکڑوں فلسطینی قیدی رہا ہوں گے۔
