نئی دہلی: صدر دروپدی مرمو نے اتر پردیش کے پریاگ راج میں سڑک حادثے میں جانی نقصان پر غم کا اظہار کیا ہے۔
صدر جمہوریہ نے ہفتہ کو سوشل میڈیا پلیٹ فارم پر ایک پیغام میں کہا”اتر پردیش کے پریاگ راج میں مرزا پور ہائی وے پر سڑک حادثے میں کئی لوگوں کی موت کی خبر انتہائی افسوسناک ہے۔
میں مرنے والوں کے اہل خانہ سے تعزیت کا اظہار کرتی ہوں۔ میں تمام زخمیوں کی جلد صحت یابی کیلئے دعا گوں“۔
قابل ذکر ہے کہ اتر پردیش کے پریاگ راج ضلع کے میجا علاقے میں بس اور بولیرو کے درمیان ہونے والی ٹکر میں بولیرو میں سوار تمام 10 افراد کی موت ہو گئی تھی جبکہ کچھ دیگر زخمی ہو گئے تھے۔
ہمیں فالو کریں
