مہر خبررساں ایجنسی کے مطابق، فلسطینی تحریک حماس کے ترجمان عبداللطیف قانوع نے غزہ جنگ بندی معاہدے کے نفاذ کی راہ میں صیہونی حکومت کی رکاوٹ کا ذکر کرتے ہوئے کہا ہے کہ حماس اس معاہدے کی مکمل پاسداری کرتی ہے۔
قانوع نے مزید کہا کہ ہم غزہ میں جنگ بندی معاہدے کے مکمل نفاذ کے لئے صیہونی حکومت سے اس کی تمام شرائط پر عمل کرنے کا مطالبہ کرتے ہیں۔
انہوں نے زور دے کر کہا کہ ثالث ممالک قابض رژیم پر جنگ بندی معاہدے پر عمل درآمد کے لئے دباؤ ڈال رہے ہیں اور ہفتے سے قیدیوں کے تبادلے کا عمل دوبارہ شروع کرنے کی کوشش کر رہے ہیں۔
حماس کے رہنما نے کہا کہ غزہ کی پٹی کے باشندے جبری بے دخلی کے کسی بھی منصوبے کو ہرگز قبول نہیں کریں گے۔
