حیدرآباد: حیدرآباد کے ٹپہ چبوترہ علاقہ میں واقع ہنومان مندر میں گوشت کا ٹکڑا ملنے کی خبر نے سنسنی پھیلا دی۔ لیکن پولیس کی فوری کارروائی اور جدید ٹیکنالوجی کی مدد سے اس معمہ کو محض چند گھنٹوں میں حل کر لیا گیا ہے۔
“صبح تقریباً 8:20 بجے پولیس کو اطلاع ملی کہ مندر کے شیو لنگم کے پیچھے گوشت کا ایک ٹکڑا پایا گیا ہے۔ اطلاع ملتے ہی ٹپہ چبوترہ پولیس اسٹیشن کے ایس ایچ او اے. رامولو نے فوری کارروائی کی۔ سینئر عہدیداران جن میں اے سی پی، ایڈیشنل ڈی سی پی اور ڈی سی پی شامل تھے، موقع پر پہنچے اور علاقے کی مکمل چھان بین شروع کر دی۔”
“پولیس نے چار خصوصی ٹیمیں تشکیل دیں، جنہوں نے مندر کے ارد گرد لگے CCTV کیمروں کی فوٹیج کا تفصیلی جائزہ لیا۔ اور پھر تحقیقات میں چونکا دینے والا انکشاف ہوا! CCTV فوٹیج میں واضح طور پر دیکھا گیا کہ ایک بلی اپنے منہ میں گوشت کا ٹکڑا لے کر مندر میں داخل ہوئی اور اسے شیو لنگم کے پیچھے چھوڑ دیا۔ اس فوٹیج سے ثابت ہو گیا کہ یہ کسی انسانی سازش کا معاملہ نہیں بلکہ محض ایک اتفاقی واقعہ تھا!”
“پولیس کا کہنا ہے کہ عوام افواہوں پر دھیان نہ دیں اور غلط اطلاعات پھیلانے سے گریز کریں۔ کمشنر آف پولیس نے تمام افسران کی بروقت کارروائی اور معاملے کو جلد حل کرنے پر تعریف کی ہے۔”
“اس حوالے سے تمام شواہد عوام کے سامنے رکھ دیے گئے ہیں، اور پولیس نے CCTV فوٹیج بھی بطور ثبوت جاری کر دی ہے۔ امید ہے کہ اس وضاحت کے بعد کسی قسم کی غلط فہمی باقی نہیں رہے گی۔
ہمیں فالو کریں
