مہر خبررساں ایجنسی کے مطابق، اسرائیلی وزیراعظم نیتن یاہو نے دعویٰ کیا ہے کہ غزہ کی پٹی پر امریکی کنٹرول کا ڈونلڈ ٹرمپ کا منصوبہ تاریخ بدل سکتا ہے!
نیتن یاہو نے وائٹ ہاؤس میں پریس کانفرنس کے دوران کہا کہ غزہ کی پٹی کے حوالے سے امریکی منصوبہ بہت اہم ہے!
انہوں نے سعودی عرب کے ساتھ تعلقات کو معمول پر لانے کے اپنے عزم پر زور دیتے ہوئے کہا کہ وہ اس معاملے کو آگے بڑھانے کے لیے پرعزم ہیں۔
نیتن یاہو نے دعویٰ کیا: مجھے یقین ہے کہ سعودی عرب کے ساتھ تعلقاب کی بحالی ایک امکان کے طور پر زیر بحث نہیں ہے، بلکہ یقینی طور پر یہ مسئلہ جلد ہی حل ہو جائے گا۔
انہوں نے ٹرمپ کو صیہونی رژیم کا اہم دوست بتاتے ہوئے کہا: میں یہ بات پہلے بھی کہہ چکا ہوں اور میں اسے دوبارہ دہراؤں گا، کہ آپ (ٹرمپ) وائٹ ہاؤس میں اسرائیل کے سب سے بڑے دوست ہیں اور اسی لیے ہم آپ کا بہت احترام کرتے ہیں۔
