[]
نئی دہلی: لوک سبھا الیکشن سے قبل کانگریس صدر ملیکارجن کھرگے نے چہارشنبہ کے دن پارٹی کی ”گھرگھر گارنٹی“ پہل کی شروعات کی جس کا مقصد سارے ملک میں کروڑہا گھروں تک پہنچنا اور انہیں کانگریس کی گارنٹیز سے واقف کرانا ہے۔
کھرگے نے پارلیمانی حلقہ شمال مشرقی دہلی کے عثمان پور سے اس کی شروعات کی۔ انہوں نے پارٹی کے 5 نیائے پچیس گارنٹی کے ورقیے (پمفلٹس) تقسیم کئے۔ انہوں نے کہا کہ ہم یہ گارنٹی کارڈ تقسیم کررہے ہیں۔
کانگریس نئی دہلی میں 5 اپریل کو اپنا منشور برائے لوک سبھا الیکشن جاری کرے گی اور 6 اپریل کو جئے پور اور حیدرآباد میں میگا ریالیاں نکالے گی۔ کانگریس نے ”ہاتھ بدلے گا حالات“کا نیا نعرہ دیا ہے۔
ہمیں فالو کریں
