[]
ایجنسیز: سوشل میڈیا کے جنون نے عوام کو اپنی لپیٹ میں لے رکھا ہے جس کے باعث انتہائی عجیب و غریب واقعات دیکھنے کو ملتے ہیں۔ ہم اپنے روزمرہ کے کاموں، ضروریات، ملازمتوں، معلومات، کال کرنے اور تفریح سمیت کسی بھی چیز کیلئے الکٹرک آلات پر زیادہ منحصر کرنے لگے ہیں۔
ایک ویڈیو وائرل ہورہی جو بظاہر خطرے کی نشاندہی کررہی ہے۔ ویڈیو میں دیکھا جاسکتا ہے کہ خاتون فون میں مگن ہے اور قریب بچہ کھیلنے میں مصروف ہے پھر وہ سبزیاں کاٹنا شروع کردیتی ہے اور بچہ وہیں موجود ہوتا ہے۔
خاتون سبزیاں کاٹنے کے ساتھ فون پر بات کرنے میں بھی مصروف ہے اور بظاہر بچے کی دیکھ بھال بھی کررہی ہے۔اچانک ہی خاتون اٹھتی ہے اور بچے کو گود میں اٹھا کر فریج میں رکھ کر دروازہ بند کردیتی ہے۔
تھوڑی دیر بعد جب والد آتا ہے اور اسے احساس ہوتا ہے کہ بچہ موجود نہیں ہے تو وہ ڈھونڈنا شروع کرتے ہیں۔ بچہ کی رونے کی آواز سن کر وہ جیسے ہی فریج کا دروازہ کھولتا ہے تو بچہ اندر موجود ہوتا ہے۔
ہمیں فالو کریں
