[]
حیدرآباد: پولیس نے انتخابی مہم کے لئے جانے کے دوران آندھراپردیش کے سابق وزیر وتلگودیشم پارٹی کے جنرل سکریٹری نارالوکیش کی گاڑی کی تلاشی لی۔لوکیش ضلع گنٹور کے تاڑے پلی میں پارٹی کی انتخابی سرگرمیوں کے لئے روانہ ہورہے تھے کہ پولیس نے ان کی گاڑی کو روکا اور اس کی تلاشی لی۔
اس تلاشی میں پولیس کو کچھ بھی نہیں ملا جس کے بعد لوکیش اپنی منزل کی طرف روانہ ہوگئے۔واضح رہے کہ آندھراپردیش میں لوک سبھا انتخابات کے ساتھ ساتھ ریاستی اسمبلی کے انتخابات ہونے والے ہیں ۔
جس کے پیش نظرپولیس کی جانب سے سخت چوکسی اختیار کی جارہی ہے اور ریاست کے تمام اضلاع میں چیک پوسٹ لگاتے ہوئے گاڑیوں کی تلاشی کے کام میں شدت پیداکردی گئی ہے۔اسی کے حصہ کے طورپر لوکیش کی کار کی تلاشی لی گئی۔
ہمیں فالو کریں
