[]
حیدرآباد: تلنگانہ کی اصل اپوزیشن جماعت بی آرایس کو ایک اوردھکہ لگاہے کیونکہ چیوڑلہ کے رکن پارلیمنٹ رنجیت ریڈی نے پارٹی سے استعفیٰ دے دیا۔ وہ جلد ہی کانگریس میں شامل ہوں گے۔ریڈی نے کہا کہ انہوں نے موجودہ سیاسی پیشرفت کے پیش نظر بی آرایس سے استعفیٰ دیا ہے۔
رنجیت ریڈی نے چیوڑلہ لوک سبھا حلقہ کے عوام کی خدمت کا موقع دینے پر سابق چیف منسٹر کے چندرشیکھرراو اوران کے فرزند کے ٹی راما راو کا شکریہ اداکیا۔انہوں نے ان کا استعفیٰ قبول کرنے کی اپیل کی۔ لوک سبھا انتخابات سے پہلے سرکردہ لیڈران بی آرایس چھوڑ رہے ہیں۔
حال ہی میں ظہیرآباد کے رکن پارلیمنٹ بی بی پاٹل نے استعفیٰ دے دیا ہے۔ وردھنا پیٹ کے سابق ایم ایل اے اے رمیش، جنہوں نے ہفتہ کو پارٹی چھوڑ دی، اتوار کو بی جے پی میں شامل ہو گئے۔ ان کے ساتھ کچھ اور لیڈران بھی پارٹی چھوڑ گئے۔
ہمیں فالو کریں
