[]
حیدرآباد: لوک سبھا انتخابات کے سلسلہ میں بی جے پی نے دونوں تلگوریاستوں پر توجہ مرکوز کردی ہے۔اسی کے حصہ کے طورپر وزیراعظم مودی اس ماہ کی 16تا18تلنگانہ کا دورہ کریں گے۔اپنے تین روزہ دورہ کے دوران مودی تین اضلاع کا احاطہ کریں گے۔
زعفرانی جماعت لوک سبھا انتخابات میں 400سے زائد نشستوں پر کامیابی کانشانہ رکھتی ہے۔ذرائع کے مطابق مودی، جگتیال، ناگرجناساگر اورملکاجگری میں جلسوں سے خطاب کریں گے۔بی جے پی چاہتی ہے کہ شمالی ہند کی طرح جنوبی ہند میں بھی اس کو لوک سبھا کی زیادہ سے زیادہ نشستیں حاصل ہوں۔
وزیراعظم پڑوسی ریاست آندھراپردیش کا بھی دورہ کریں گے۔وہ اس ماہ کی 17تاریخ کو اے پی کے چلکالوری پیٹ میں تلگودیشم۔جناسینا اور بی جے پی کے مشترکہ جلسہ سے خطاب کریں گے۔زعفرانی جماعت ان تلگوریاستوں میں روڈشوزاورعوامی ریلیوں کا منصوبہ رکھتی ہے۔
ہمیں فالو کریں
