[]
کسانوں کے اس دہلی مارچ کے پیشِ نظر دہلی پولیس بھی الرٹ ہوگئی ہے۔ سرحدوں پر جوانوں کو تعینات کر دیا گیا ہے جبکہ مخصوص مقامات پر پولیس فورس کی اضافی کمپنیاں تعینات کر دی گئی ہیں۔ پولیس نے دہلی کی سرحدوں کے ساتھ ساتھ بس اسٹینڈز، میٹرو اسٹیشنوں اور ریلوے اسٹیشنوں کی سیکورٹی بھی بڑھا دی ہے۔ حالانکہ کسانوں نے پر امن مارچ اور احتجاج کرنے کی بات کہی ہے لیکن انتظامیہ اس ضمن میں کوئی لاپرواہی نہیں برتنا چاہتی ہے۔ جبکہ دہلی پولیس نے گاڑی والوں سے کہا ہے کہ گوکہ ٹکری، سنگھو اور غازی پور بارڈر گاڑیوں کی آمدورفت کے لیے کھلی ہیں لیکن ٹریفک جام بھی ہوسکتی ہے، اس لیے احتیاط اور اپڈیٹ کے ساتھ سفر کریں۔
