ای ڈی کے آٹھویں سمن پر بھی پیش نہیں ہوئے کیجریوال، مانگی نئی تاریخ

خبروں کے مطابق کیجریوال ای ڈی کے سامنے پیش نہیں ہوں گے کیونکہ یہ معاملہ عدالت میں زیر سماعت ہے۔ عدالت میں اگلی سماعت 16 مارچ کو ہونے والی ہے۔ اس سے قبل عآپ کے ذریعے ای ڈی سے کہا گیا تھا کہ ’’اسے روز آنہ کیجریوال کو نوٹس بھیجنے کے بجائے عدالت کے فیصلے کا انتظار کرنا چاہئے۔ چاہے کتنا بھی دباؤ ڈالا جائے، ہم اپوزیشن الائنس ’انڈیا‘ نہیں چھوڑیں گے۔‘‘ دہلی کے وزیر اعلیٰ کو یہ آٹھواں سمن ساتویں سمن پر پیش نہ ہونے پر جاری کیا گیا تھا جبکہ اس سے قبل 19 فروری کو کیجریوال ای ڈی کے چھٹے سمن پر بھی پیش نہیں ہوئے تھے۔ ای ڈی نے انہیں 31 جنوری کو سمن جاری کیا تھا اور انہیں 2 فروری کو پیش ہونے کے لیے کہا تھا۔