[]
حیدرآباد: تلنگانہ کے ونپرتی ضلع میں پیش آئے خطرناک سڑک حادثہ میں پانچ افرادبشمول تین بچے ہلاک اور دیگر چارشدید زخمی ہوگئے۔
یہ حادثہ ضلع کے کوتہ کوٹہ کے قریب قومی شاہراہ نمبر44کے قریب آج صبح کی اولین ساعتوں میں اُس وقت پیش آیا جب کار چلانے والے نے اس کا توازن کھودیا اور یہ کار، سڑک کے کنارے درخت سے ٹکراگئی۔
پولیس کے مطابق کار میں سوار افراد کرناٹک کے بیلاری سے حیدرآباد واپس ہورہے تھے۔
حادثہ اتنا شدید تھا کہ چارافراد موقع پر ہی ہلاک ہوگئے جبکہ ایک شخص کی علاج کے دوران موت ہوگئی۔
زخمیوں کو علاج کے لئے ونپرتی کے ایریا اسپتال منتقل کیاگیا۔پولیس نے اس سلسلہ میں ایک معاملہ درج کرکے جانچ شروع کردی۔
ہمیں فالو کریں
