[]
حیدرآباد: سکندرآباد کوپریٹیو اربن بینک کے سالانہ جنرل باڈی اجلاس آج خان لطیف محمد خان اسٹیٹ کے آڈریٹوریم میں منعقد ہوا۔اجلاس کا آغاز تلاوت قران مجید سے ہواو۔نائب صدر نشین سکندرآباد کوآپریٹیو اربن بینک سید ظہورالدین نے بینک کی سالانہ رپورٹ پیش کی۔
انہوں نے بینک کی کارکردگی کو تسلی بخش بتاتے ہوئے عوام سے بینک سے جڑنے کی اپیل کی۔ سید ظہورالدین نے بینک کے مستقبل کو تابناک بتاتے ہوئے مستقبل کے منصبوں پر روشنی ڈالی۔ جنرل باڈی اجلاس سے بینک ڈائریکٹرز ڈاکٹر میر اکبر علی خان،ڈاکٹر مسعود احمد، مولانا حامد حسین شطاری و دیگر نے بھی خطاب کیا۔
اس موقع پر بینک کے ان شیر ہولڈرس جو اس سال حج کو جا رہے ہیں، کو تہنیت پیش کی گئی۔اس موقع پر ڈاکٹر اقبال جاوید، سید محمد فضل حسین،شجاعت علی قادری، اعجاز حسین،قاضی عظمت اللہ جعفری،محمد عفان قادری خالد، رسول خان و دیگر موجود تھے۔
ہمیں فالو کریں
