[]
حیدرآباد: یہ کسی کرشمہ سے کم نہیں تھا کہ ایک شخص جو ٹرین میں سوار ہونے کی کوشش میں پھسل کر گرا اور چلتی ٹرین اور پلیٹ فارم کے درمیان پھنس گیا، بال بال بچ گیا۔ یہ واقعہ پیر کو وقارآباد ریلوے اسٹیشن پر پیش آیا۔
وقارآباد ریلوے اسٹیشن پر چلتی ٹرین میں چڑھنے کی کوشش کے دوران مسافر پھسل کر گر پڑا اور ٹرین اور پلیٹ فارم کے درمیان پھنس گیا۔ یہ سارا واقعہ سی سی ٹی وی کیمرے میں قید ہو گیا۔
الرٹ ریلوے پروٹیکشن فورس کے جوانوں کے ساتھ ریلوے حکام مسافر کو بچانے کے لئے پہنچ گئے۔ پہلے ٹرین کو روکا گیا جس کے بعد اس شخص کو بچانے کے لئے پلیٹ فارم کا ایک حصہ توڑنا پڑا۔ اس شخص کو سرکاری اسپتال منتقل کردیا گیا ہے۔
اس واقعہ کی وجہ سے ٹرین کے سفر میں تقریباً 90 منٹ کی تاخیر ہوئی۔ یہ ٹرین بیدر سے یشونت پور (بنگلور) جا رہی تھی۔
ہمیں فالو کریں
