[]
دبئی: متحدہ عرب امارات دبئی میں ڈرائیونگ لائسنس کیلئے حال ہی میں ایک نئی سہولت فراہم کی گئی ہے۔ دبئی میں روڈ ٹرانسپورٹ اتھارٹی (آر ٹی اے) نے جمعہ کو بیان میں کہا کہ ’اب ڈرائیونگ ٹیسٹ کے لیے اپائنٹمنٹ واٹس اپ کے ذریعہ حاصل کیا جاسکتا ہے‘۔
آر ٹی اے کا کہنا ہے’ ٹیسٹ کے لیے اپائنٹمنٹ کی سہولت دو زبانوں انگلش اورعربی میں فراہم کی گئی ہے‘۔ اتھارٹی نے واٹس ایپ کے لیے ایک نمبر بھی جاری کیا ہے۔ سروس آرٹی اے کے خصوصی نمبر پر ’محبوب چیٹ بوٹ‘ پر دستیاب ہے۔
روڈ ٹرانسپورٹ اتھارٹی کا کہنا ہے’ ڈرائیونگ ٹیسٹ دینے والے افراد نہ صرف اپائنٹمنٹ حاصل کرسکتے ہیں بلکہ اسے ری شیڈول بھی کرسکتے ہیں‘۔
اتھارٹی کے کارپوریٹ ٹینکیکل سپورٹ سروس سیکٹر میں سمارٹ سروسز ڈیپارٹمنٹ کی ڈائریکٹر نے کہا ہے ’ واٹس اپ کے ذریعے اپائنٹمنٹ کے لیے صارف کے فون نمبر اور رجسٹرڈ معلومات پہلے سے تصدیق شدہ ہوتی ہیں اس لیے آر ٹی اے کی ویب سائٹ پر جانے کی ضرورت نہیں رہتی‘۔
یہ سہولت اتھارٹی کی مختلف ڈیجیٹل پلیٹ فارم کے ذریعے خدمات کی فراہمی کی حکمت عملی کے تحت اس بات کو یقینی بناتا ہے کہ صارفین تیزی اور محفوظ طریقے سے خدمات تک رسائی حاصل کرسکیں۔
ہمیں فالو کریں
