[]
دبئی: آئی سی سی ٹی20 ورلڈکپ 2024 میں پاکستان اور ہندوستان کے درمیان مقابلے کی متوقع تاریخ سامنے آگئی ہے۔
رپورٹس کے مطابق رواں سال امریکہ اور ویسٹ انڈیز میں ہونے والے آئی سی سی ٹی20 ورلڈکپ 2024 کا ابتدائی شیڈول تیار کرلیا گیاہے جس میں پاکستان اور ہندوستان کی ٹیموں کو ایک ہی گروپ میں رکھا گیاہے۔
رپورٹس میں دعویٰ کیا گیاہے کہ ٹی20 ورلڈکپ کا آغاز 4 جون کو ہوگا جبکہ فائنل 20 جون کو ہوگا۔ ایونٹ کے مقابلے امریکہ اور ویسٹ انڈیز میں کھیلے جائیں گے جس میں جملہ 20 ٹیمیں شریک ہوں گی جنہیں 5،5 کی شکل میں چار گروپس میں تقسیم کیاگیا ہے۔
پاکستان کے علاوہ ہندوستان، آئرلینڈ، کینیڈا اور میزبان امریکہ ایک ہی گروپ میں شامل ہیں۔ ہندوستانی ٹیم اپنا پہلا میاچ 5 جون کو آئرلینڈ کے خلاف کھلے گی جبکہ پاکستانی ٹیم ایونٹ میں اپنا پہلا میچ 6 جون کو امریکہ جبکہ 9 جون روایتی حریف ہندوستان کے خلاف نیویارک میں مدمقابل کھیلے گی۔
اس میچ کو برصغیر کے ٹائم زون سے متعلق کرائے جانے کا امکان ہے تاکہ زیادہ سے زیادہ شائقین کرکٹ لطف اندوز ہوسکیں۔ پاکستانی ٹیم 11 جون کو کینیڈا جبکہ 16 جون کو آئرلینڈ سے فلوریڈا میں ٹکرائے گی۔
واضح رہے کہ شیڈول کو منظوری کیلئے بورڈز اور براڈ کاسٹرز کو بھیج دیا گیاہے جس کے بعد حتمی فیصلہ کیا جائے گا۔ واضح رہے کہ ٹی ٹوئنٹی کرکٹ کی تاریخ میں پہ پہلا موقع ہوگا جبکہ ورلڈکپ میں 20 ٹیمیں حصہ لیں گی۔
آئی سی سی نے دیگر کئی ممالک میں کرکٹ کو فروغ دینے کے مقصد سے اس مرتبہ ورلڈکپ میں زیادہ ٹیموں کو داخلہ دیا ہے۔حالانکہ اس فیصلہ کی مختلف گوشوں سے مخالفت بھی کی گئی۔
ہمیں فالو کریں
