[]
حیدرآباد: وزیر ٹرانسپورٹ اور بی سی ویلفیر پونم پربھاکر نے کانگریس قائدین اور کارکنوں سے کہا ہے کہ وہ سرکاری اسکیموں کو لوگوں تک پہنچانے کیلئے سرگرمی سے کام کریں۔اسکیمات کو مستحقین تک پہنچاکویقینی بنانے کیلئے اقدامات کریں۔
پونم پربھاکر، جو حیدرآباد ضلع انچارج وزیر بھی ہیں، نے منگل کو یہاں گاندھی بھون میں شہر کے کانگریس قائدین کے ساتھ میٹنگ کی۔ اس میٹنگ میں سابق ممبران اسمبلی وی ہنمنت راؤ اور انجن کمار یادو، مقابلہ کرنے والے امیدوار اور شہر کی مختلف وابستہ انجمنوں کے چیرمین موجود تھے۔
اس موقع پر خطاب کرتے ہوئے وزیر موصوف نے کہا کہ کانگریس پارٹی 28 دسمبر کو اپنا یوم تاسیس منائے گی اور اس دن کانگریس کیڈر کو بڑی تعداد میں شرکت کرنی چاہئے۔
انہوں نے مزید کہا کہ ریاستی حکومت 28 دسمبر سے 6 جنوری تک پرجا پالنا پروگرام منعقد کر رہی ہے جس میں چھ ضمانتوں کے نفاذ کے لیے عوام سے درخواستیں وصول کی جائیں گی، کانگریس لیڈروں اور کارکنوں کو لوگوں کی خدمت کے لیے اس پروگرام میں بڑھ چڑھ کر حصہ لینا چاہیے۔
ہمیں فالو کریں
