[]
ملبورن: پاکستانی کرکٹ ٹیم ان دنوں آسٹریلیا کے دورہ پر ہے جہاں وہ ٹسٹ سیریز کھیل رہی ہے۔ اس دوران ٹیم کے وکٹ کیپر بیٹر محمد رضوان نے ملبورن کی ایک مسجد میں درس دیا جس کی ویڈیو وائرل ہوئی ہے۔
سماجی رابطہ کی سائٹ ٹوئٹر (ایکس) پر ایک ویڈیو وائرل ہورہی ہے جس میں وکٹ کیپر بیٹر محمد رضوان مسجد کے منبر پر بیٹھ کر لوگوں کو درس دے رہے ہیں۔ ویڈیو وائرل ہونے پر کئی صارفین رضوان کو تنقید کا نشانہ بنارہے ہیں جبکہ متعدد ان کی اسلام سے محبت کو سراہا رہے ہیں۔
اس سے قبل سال 2022 میں وکٹ کیپر بیٹر نے نیوزی لینڈ کی کرائسٹ چرچ مسجد میں بیان دیا تھا جس پر انہیں تنقید کا سامنا کرنا پڑا تھا۔ خیال رہے کہ 15 مارچ 2019 نیوزی لینڈ کی کرائسٹ چرچ مسجد میں سفید فام دہشت گرد نے 51 نمازیوں کو شہید کرنے کی لائیو ویڈیو بنائی تھی۔
دوسری جانب محمد رضوان نے ورلڈکپ کے دوران میان آف دی میچ کا ایوارڈ اسرائیلی دہشت گردی کے شکار فلسطین کے مظلوم شہریوں کے نام کیا تھا جس پر انہیں تنقید کا نشانہ بنایا گیاتھا۔
ہمیں فالو کریں
