[]
مہر خبررساں ایجنسی نے ذرائع ابلاغ کے اداروں کے حوالے سے کہا ہے کہ غرب اردن کے مختلف علاقوں میں صہیونی فورسز کے مظالم اور جنگی جرائم کا سلسلہ جاری ہے۔
تازہ ترین واقعے کے مطابق اتوار کو علی الصبح صہیونی دہشت گرد فورسز نے طولکرم میں جنگ کی رپورٹنگ کرنے والے صحافیوں پر براہ راست فائر کھول دیے۔
الجزیرہ کی رپورٹ کے مطابق نابلس کے مشرقی علاقوں میں بھی صہیونی فوج نے حملہ کیا ہے۔ غاصب صہیونیوں نے نور شمس رفیوجی کیمپ پر حملہ کرکے پانی کی فراہمی کا سلسلہ بند کردیا۔
دوسری جانب الخلیل کے شمالی قصبے السعیر پر صہیونی فوجیوں نے حملہ کیا ہے۔ گھر گھر تلاشی کے دوران صہیونیوں نے متعدد بے گناہ فلسطینیوں کو گرفتار کیا ہے۔
الخلیل کے جنوبی قصبے کرمہ پر بھی صہیونی فوج کے حملے کی خبریں موصول ہوئی ہیں۔
