[]
مہر خبررساں ایجنسی کی رپورٹ کے مطابق، ایران کی وزارت دفاع کے ایک سینئر اہلکار کے مطابق تربیتی جیٹ طیارے کے حتمی معیاری ٹیسٹ مکمل ہونے کے بعد ایران اپنے مقامی ساختہ تربیتی جیٹ کی بڑے پیمانے پر کھیپ شروع کر دے گا۔
رپورٹ کے مطابق ایران کی وزارت دفاع سے وابستہ ایئر انڈسٹریز آرگنائزیشن کے منیجنگ ڈائریکٹر جنرل افشین خاجہ فرد نے اتوار کو ایک تقریب کے دوران کہا کہ اس جیٹ کی تیاری میں ملکی سائنسی اداروں اور دفاعی ماہرین کی انتھک کوششوں کا نتیجہ ہے۔
انہوں نے مزید کہا کہ یاسین جیٹ تربیتی طیارے کی تیاری میں استعمال ہونے والی ٹیکنالوجی ملک کی فضائی صنعت کی ضروریات پر مبنی ہے۔
مارچ میں، وزارت دفاع نے یاسین جیٹ ٹرینر کے معیاری ورژن اور طیارے کو بڑے پیمانے پر تیار کرنے کے لئے نمونے کی نقاب کشائی کی۔
اس جیٹ ٹرینر کو گھریلو ایجیکشن سیٹ، ایونکس، انجن اور لینڈنگ گیئر سے مزین کیا گیا ہے اور س کے ریڈوم پر نصب ہوا سے چلنے والا موسمی ریڈار ملکی سائنسی ٹیکنالوجی کے اداروں نے تیار کیا ہے۔
