[]
مہر خبررساں ایجنسی کی رپورٹ کے مطابق، ایرانی صدر آیت اللہ سید ابراہیم رئیسی اور کیوبا کے صدر کے مابین آج ایک اہم ملاقات ہو گی جس میں دونوں رہنما ایران اور کیوبا کے مابین دوطرفہ تعلقات کو وسعت دینے، علاقائی اور بین الاقوامی امور پر تبادلہ خیال کریں گے۔
میگل دیاز کانل کے دورہ تہران کا مقصد ایران اور کیوبا کے درمیان اقتصادی اور تجارتی تعلقات کو وسعت دینا ہے۔
یاد رہے 22 سال پہلے آنجہانی صدر فیڈل کاسترو کے بعد کیوبا کے کسی سربراہ مملکت کا یہ پہلا دورہ ایران ہے۔
صدر رئیسی آج صبح مہمان صدر کا رسمی طور پر سعد آباد کے محل میں استقبال کریں گے۔
استقبالی تقریب کے بعد دونوں سربراہان مملکت کے درمیان ملاقات اور مختلف وفود کی سطحی پر مذاکرات ہوں گے۔
اس دوران مفاہمت کی مختلف یادداشتوں پر دستخط بھی کئے جائیں گے۔ جبکہ آخر میں دونوں صدور مشترکہ پریس کانفرنس سے بھی خطاب کریں گے۔
مہمان صدر اپنے دورے کے دوران صدر رئیسی کے علاوہ دیگر اعلی شخصیات سے ملاقات کریں گے اور دونوں ملکوں کی مشترکہ مصنوعات کی نمائش کا بھی دورہ کریں گے۔
