[]
احمدآباد: ہندوستان اور آسٹریلیا کے درمیان ورلڈکپ 2023 کا فائنل میچ آج احمد آباد میں کھیلا گیا جوکہ ملک کا سب سے بڑا کرکٹ اسٹیڈیم ہے۔
ورلڈ کپ او ٹی ٹی پر براہ راست نشر کیاگیا جہاں براہ راست دیکھنے والوں کا پرانا ریکارڈ ٹوٹ گیاہے۔
آج او ٹی ٹی پر ناظرین کی تعداد 5.4 کروڑ تک پہنچ گئی جو اب تک کا سب سے بڑا ریکارڈ ہے۔ 20 اوورز کے اختتام پر ہندوستان کی تین وکٹیں گرچکی تھیں۔
کپتان روہت شرما کے آؤٹ ہونے کے بعد سوشل میڈیا پر لوگوں کی جانب سے کئی طرح کے ردعمل سامنے آئے۔
کئی صارفین نے کہاکہ ایسا لگتاہے کہ امیتابھ بچن بھی آج کا میچ دیکھ رہے ہیں۔ یاد رہے کہ اس سے قبل امیتابھ بچن نے سوشیل میڈیا پر پوسٹ میں کہا تھاکہ جب وہ میچ نہیں دیکھتے تو ہندوستان کی کارکردگی اچھی ہوتی ہے اور ٹیم میچ جیت جاتی ہے۔
لیکن جب وہ میاچ دیکھتے ہیں تو ٹیم انڈیا کی کارکردگی خراب ہوتی ہے اور ٹیم ہار جاتی ہے۔
آج ٹیم انڈیا اپنی شاندار کارکردگی دکھانے میں ناکام رہی جس کے بعد صارفین نے امیتابھ بچن کا پرانا ٹویٹ وائرل کرتے ہوئے اپنے ردعمل کا اظہار کیا۔
