کینیڈا نے نیا قانون متعارف کرا دیا، ملک میں 16 سال سے کم عمر کے بچوں کے لیے سوشل میڈیا پر پابندی لگانے کی تیاری

آسٹریلیا میں 16 برس سے کم عمر بچوں کے لیے سوشل میڈیا پر پابندی نافذ ہونے کے بعد کمپنیوں نے تقریباً 47 لاکھ ایسے اکاؤنٹ بند کر دیئے ہیں جو بچوں کے بتائے گئے تھے۔ وہاں اس قانون کے حوالے سے بڑی بحث بھی ہوئی تھی۔ کینیڈا حکومت کا کہنا ہے کہ وہ آسٹریلیا کے تجربات سے سیکھ کر اپنے قوانین نافذ کرے گی۔ کینیڈین سینٹر فار چائلڈ پروٹیکشن کی ایکزیکیوٹیو ڈائریکٹر لیانا میکڈونالڈ نے اس قدم کا خیر مقدم کیا ہے۔ ان کا کہنا ہے کہ سوشل میڈیا پر بچوں کو بلیک میل کرنے اور جنسی استحصال سے متعلق معاملات میں تیزی سے اضافہ ہوا ہے اس لیے ایسے قانون کی ضرورت ہے۔