جھارکھنڈ: راجیہ سبھا کی ایک سیٹ کے لیے سخت مقابلہ، جے ایم ایم کو خرید و فروخت کا خدشہ، الیکشن کمیشن کو لکھا خط

قابل ذکر ہے کہ اس وقت 81 رکنی جھارکھنڈ اسمبلی میں کانگریس زیر قیادت انڈیا اتحاد کے پاس 56 رکن (جے ایم ایم- 34، کانگریس- 16، آر جے ڈی-4، سی پی ایم-2) ہیں۔ اپوزیشن بی جے پی زیر قیادت این ڈی اے کے پاس 24 رکن (بی جے پی-21، ایل جے پی-1، جے ڈی یو-1 اور آل انڈیا اسٹوڈینٹس یونین-1) ہیں۔ فارمولے کے تحت راجیہ سبھا کی ایک سیٹ جیتنے کے لیے امیدوار کو 28 ترجیحی ووٹ کی ضرورت ہوتی ہے۔ باوجود اس کے بی جے پی کے ریاستی سکریٹری جنرل امر کمار باؤری نے دعویٰ کیا ہے کہ 81 ووٹوں سے جیت کے لئے ہمیں 28 ووٹ حاصل کرنے کی ضرورت ہے اور ہم اسے یقینی طور سے حاصل کریں گے۔