جڑواں بھائی بہن کی ایس ایس سی امتحانات میں یکساں نمبروں کے ساتھ کامیابی
حیدرآباد(راست)قاری محمد عبدُ الرحمن شاہد صاحب (بانی و منیجنگ ڈائریکٹر ایس آر زیڈ انٹرپرائزس) کے جڑواں فرزند و دختر کی 2026 کے SSC امتحانات میں بے مثال کامیابی حاصل ہوئی۔ قاری محمد فضلُ الرحمن اور رومانہ رحمن نے SSC بورڈ امتحانات میں شاندار مظاہرہ کرتے ہوئے یکساں 600 میں سے 545 نمبرات حاصل کیے
۔ دونوں نے 91 فیصد نشانات کے ساتھ نمایاں کامیابی درج کرائی۔اسی طرح ان کے بھانجے مصطفیٰ سہیل احمد نے ICSE بورڈ امتحانات میں 600 میں سے 520 نمبرات حاصل کرتے ہوئے 87 فیصدکے ساتھ شاندار کامیابی اپنے نام کی
۔اس غیر معمولی کامیابی پر اہلِ خانہ، اساتذہ، رشتہ داروں اور احباب نے دلی مسرت کا اظہار کرتے ہوئے تمام کامیاب طلبہ کو مبارکباد پیش کی اور ان کے روشن مستقبل کے لیے نیک تمناؤں کا اظہار کیا۔
