نوئیڈا میں نجی کمپنیوں کے خلاف ملازمین کا شدید احتجاج، کم تنخواہ اور ریکارڈ میں ہیرا پھیری کے الزامات

ملازمین نے یہ بھی شکایت کی کہ ان سے روزانہ 10 سے 12 گھنٹے کام لیا جاتا ہے لیکن نہ تو اضافی وقت کی مناسب اجرت دی جاتی ہے اور نہ ہی دیگر بنیادی سہولتیں فراہم کی جاتی ہیں۔ کئی کارکنوں نے بتایا کہ انہیں ہفتہ وار چھٹی تک میسر نہیں ہوتی اور طبی یا حفاظتی سہولتوں کا بھی فقدان ہے۔ خاص طور پر خواتین ملازمین نے کام کی جگہ پر تحفظ کے مسائل کو اجاگر کیا اور کہا کہ بنیادی سہولتوں کی کمی ان کے لیے مزید مشکلات پیدا کر رہی ہے۔

اس احتجاج کی بازگشت نوئیڈا سے نکل کر فرید آباد تک پہنچ گئی، جہاں مختلف صنعتی علاقوں میں ہزاروں کارکنوں نے کام بند کر کے سڑکوں پر مظاہرہ کیا۔ بعض بڑی کمپنیوں کے ملازمین نے بھی ہڑتال کا اعلان کیا، جس کے باعث صنعتی پیداوار متاثر ہونے کی اطلاعات ہیں۔