مہر خبررساں ایجنسی کی رپورٹ کے مطابق، مصری وزیر خارجہ بدر عبدالعاطی نے عمان کے وزیر خارجہ بدر بن حمد البوسعیدی کے ساتھ ٹیلی فون پر بات چیت کی۔ دونوں وزرائے خارجہ نے خطے میں حالیہ واقعات اور فوجی جھڑپوں کے بڑھنے کے خطرناک رجحان پر تبادلہ خیال کیا۔
انہوں نے موجودہ صورتحال پر قابو پانے اور بحران کے پھیلاؤ کو روکنے کے طریقوں پر بات کی اور تناؤ کے جاری رہنے کے ممکنہ نتائج کے بارے میں انتباہ دیا، جو علاقائی امن اور سلامتی کو شدید خطرے میں ڈال سکتا ہے۔ مصری وزیر خارجہ نے زور دیا کہ تمام فریقین کو زیادہ سے زیادہ صبر و تحمل کا مظاہرہ کرنا چاہیے، تناؤ کو کم کرنا چاہیے اور بین الاقوامی قانون اور اقوام متحدہ کے منشور کے کے مطابق سفارتی کوششوں کو ترجیح دینی چاہیے۔
دونوں وزرائے خارجہ نے عرب ممالک کی سلامتی کے لیے جھڑپوں کے ممکنہ اثرات اور خطرات کا بھی جائزہ لیا۔
مصری وزیر خارجہ نے عراقی وزیر خارجہ فواد حسین کے ساتھ ایک علیحدہ ٹیلی فون پر بات چیت میں خطے میں فوجی جھڑپوں کے بڑھنے پر بات کی۔
دونوں فریقین نے خطے میں جاری تناؤ کے ممکنہ نتائج پر تبادلہ خیال کیا اور جنگوں کے پھیلاؤ کے خطرات کے بارے میں انتباہ دیا۔
عبدالعاطی نے زور دیا کہ اس رجحان کا جاری رہنا خطے کی استحکام کے لیے سنگین اور غیر متوقع نتائج کا باعث بن سکتا ہے۔
