ذرائع کے مطابق آرمی پبلک اسکول کو بھی اسی نوعیت کا دھمکی آمیز ای میل موصول ہوا، جس کے بعد اسکول انتظامیہ نے پولیس کو مطلع کیا اور بچوں کی سلامتی کو اولین ترجیح دیتے ہوئے فوری چھٹی کا اعلان کر دیا۔ اطلاع ملتے ہی نوئیڈا پولیس، مقامی انتظامیہ اور بم ڈسپوزل اسکواڈ موقع پر پہنچ گئے۔ اسکول کیمپس میں باریک بینی سے تلاشی لی جا رہی ہے جبکہ سائبر ٹیم ای میل کے ماخذ اور بھیجنے والے کی شناخت کے لیے تکنیکی جانچ میں مصروف ہے۔
پولیس حکام کا کہنا ہے کہ صورتحال مکمل طور پر قابو میں ہے اور تاحال کسی بھی اسکول سے کوئی مشتبہ شے برآمد نہیں ہوئی ہے۔ تفتیش کا عمل جاری ہے اور عوام سے افواہوں پر دھیان نہ دینے کی اپیل کی گئی ہے۔
