حیدرآباد ۔حیدرآباد میں ایک انتہائی دلخراش اور افسوسناک سانحہ پیش آیا۔جگت گری گٹہ پولیس اسٹیشن کے علاقے میں واقع وجئے نگر کالونی میں نتیش کمار نامی شخص اپنی بیوی آمنی، بیٹے نتیش اور 18 سالہ بیٹی سریجا ولی کے ساتھ مقیم تھا۔
سریجا ولی پیدائشی طور پر معذور تھی جس کی وجہ سے خاندان پہلے ہی بہت سے مسائل کا شکار تھا۔ گزشتہ چند دنوں سے یہ خاندان شدید مالی تنگی اور پریشانیوں میں مبتلا تھا انھوں نے اجتماعی خودکشی کا فیصلہ کیا۔
دو روز قبل اس جوڑے نے پہلے اپنی 18 سالہ معذور بیٹی سریجا ولی کو قتل کر دیا۔ قتل کے بعد یہ تینوں افراد ماں، باپ اور بیٹی اپنے گھر میں ہی بیٹھے رہے۔ انہوں نے اپنے ہاتھوں کی رگیں کاٹ کر خودکشی کی کوشش کی ۔ تقریباً 48 گھنٹے گزر جانے کے باوجود وہ زندہ تھے کافی خون بہہ رہا تھا۔
آخر کار بیٹے نتیش نے اپنے ایک دوست کو فون کر کے پورا واقعہ بتا دیا۔ دوست نے فوراً پولیس کو اطلاع دی۔ پولیس جب موقع پر پہنچی تو وہاں کا منظر دیکھ کر سب کے رونگھٹے کھڑے ہو گئے۔ زخمی حالت میں موجود ماں باپ اور بیٹے کو فوری طور پر ہسپتال منتقل کیا گیا جہاں ڈاکٹروں نے ان کی حالت کو نازک اور تشویشناک قرار دیا ہے۔
پولیس نے ناش کو پوسٹ مارٹم کے لیے گاندھی ہاسپٹل کے مردہ خانہ منتقل کر دیا اس سلسلے میں مقدمہ درج کر کے مختلف زاویوں سے تحقیقات کا آغاز کر دیا ہے۔ کل رات جیسے ہی مقامی افراد کو اس واقعہ کی اطلاع ملی وہ ان کے گھر کے پاس جمع ہو گئے۔
زخمیوں کو ہاسپٹل منتقل کرنے کے بعد معلوم ہوا ہے کہ پولیس عہدیداروں کی جانب سے ان کا بیان قلمبند کرنے کی کوشش کی جا رہی ہے تاکہ اس پورے معاملے کی وجوہات وجوہات کا علم ہوسکے۔ مزید تحقیقات جاری ہے۔
