دہلی کے کنجھاولا ہٹ اینڈ رن کیس میں روہنی کی عدالت نے متوفی انجلی کے اہلِ خانہ کے حق میں اہم فیصلہ سنایا ہے۔ عدالت نے انجلی کی ماں ریکھا اور دیگر اہلِ خانہ کو 36 لاکھ 69 ہزار 700 روپے معاوضہ دینے کا حکم دیا ہے۔ یہ فیصلہ ضلع جج (ایم اے سی ٹی) وکرم نے سنایا۔ عدالت نے واضح کیا کہ یہ حادثہ ملزم امت کھنہ کی لاپرواہی سے پیش آیا تھا۔
عدالتی حکم کے مطابق، معاوضے کی یہ رقم بجاج الائنز جنرل انشورنس لمیٹڈ کو 30 دن کے اندر جمع کرانی ہوگی۔ اگر رقم مقررہ وقت میں ادا نہ کی گئی تو اس پر 7.5 فیصد سالانہ شرح سے سود بھی لاگو ہوگا، جو 3 اپریل 2023 سے نافذ العمل مانا جائے گا۔
