نئی دہلی: دیوالی کے موقع پر دہلی این سی آر کی فضا خطرناک حد تک آلودہ ہو گئی ہے اور قومی راجدھانی ’گیس چیمبر‘ میں تبدیل ہو چکی ہے۔ مرکزی آلودگی کنٹرول بورڈ (سی پی سی بی) کے مطابق، دیوالی کے روز دہلی میں ہوا کا معیار ’بہت خراب‘ سے ’انتہائی سنگین‘ سطح تک پہنچ گیا۔ شہر کے 38 مانیٹرنگ مراکز میں سے 34 نے آلودگی کی سطح کو ’سرخ زون‘ میں درج کیا۔
اس وقت دہلی کا اوسط فضائی معیار انڈیکس (اے کیو آئی) 531 ہے، جو انسانی صحت کے لیے نہایت خطرناک ہے۔ ماہرین کے مطابق یہ سطح سانس، دل اور آنکھوں سے متعلق بیماریوں میں اضافہ کرسکتی ہے۔
