[]
حیدرآباد: تلنگانہ کے ضلع میدک میں تیندوے کی موجودگی سے سنسنی پھیل گئی۔اس تیندوے نے رات میں مختلف علاقوں میں مویشیوں پر حملہ بھی کیا۔
ضلع کے شیوم پیٹ علاقہ کے تاڑلہ پلی گڈہ تانڈہ میں اس نے بھینس پر حملہ کیا۔اس حملہ کے ساتھ ہی مقامی افراد نے چیخ وپکارشروع کردی جس پر یہ تیندوا وہاں سے فرار ہوگیا۔
اس تیندوے نے رے گوڈی منڈل کے کوتوان پلی میں ایک مکان میں مویشی پربھی حملہ کیا۔
اس تیندوے کی ویڈیوزمقامی افراد نے لیتے ہوئے اس کو سوشیل میڈیا کے مختلف پلیٹ فارمس پر وائرل کردیا۔
مقامی افراد کا کہنا ہیکہ اس جانور کے علاقہ میں موجودگی سے ان میں خوف پایاجاتا ہے اور وہ رات کوگھروں سے نکلنے سے گریز کررہے ہیں۔
